काठमाडौं । आइतबार बिहानदेखि सम्पर्कविहीन तारा एयरको जहाज दुर्घटनाग्रस्त अवस्थामा भेटिएको छ । खोजी तथा उद्धारका लागि गएको नेपाली सेनाको टोली सोमबार बिहान विमान दुर्घटनास्थल पुगेको हो ।

दुर्घटनाग्रस्त अवस्थामा आज बिहान मुस्ताङको थुसाङ २ मा यार्सा खोज्न जाने टोलीले जहाज देखेका थिए । दुर्घटनाग्रस्त जहाज भएको स्थानमा अहिले प्रहरी, सेना र स्थानीयले शव संकलन गरिरहेका छन् ।

यस्तै दुर्घटनामा परी मृत्यु भएकाहरूको शव काठमाडौं ल्याइने भएको छ । दुर्घटनामा परेका यात्रुहरूको खोजी कार्य जारी रहेको सिभिल एभिएसनका उपमहानिर्देशक देवचन्द्रलाल कर्णले जानकारी दिए ।

दुर्घटनामा परी मृत्यु भएकाहरूको शव सिधै काठमाडौं ल्याइने समेत उनले बताए । चालक दलका तीन सहित २२ जना सवार जहाज आज बिहान मुस्ताङको थासाङ गाउँपालिका-२ को सानोसरे भन्ने ठाउँमा दुर्घटनाग्रस्त अवस्थामा भेटिएको थियो ।