काठमाडौं । कपिलवस्तुको महाराजगन्ज नगरपालिकाको मेयर र उपमेयरमा नेपाली कांग्रेसका उम्मेदवार विजयी भएका छन् ।

मेयरमा दोस्रो कार्य कालको लागि अब्दुल कलाम र उपमेयरमा रीताकुमारी कुर्मी विजयी भएका हुन् ।

अन्तिम मतपरिणाम अनुसार मेयरमा निर्वाचित नगर प्रमुखका उम्मेदवार कलामले १० हजार २ सय मत प्राप्त गरे भने उनका निकटतम प्रतिस्पर्धी नेकपा एमालेका रामदास चौधरीले ८ हजार ६ सय ६८ मत ल्याए ।

यस्तै उपमेयरमा निर्वाचित कुर्मिले ११ हजार १ सय ६१ मत प्राप्त गर्दा निकटतम प्रतिस्पर्धी एमालेकी भानमति यादवले ७ हजार२ सय मत ल्याइन् ।