एजेन्सी । विश्व स्वास्थ्य संगठन (डब्ल्यूएचओ) को महानिर्देशकमा ट्रेड्रोस अधानम गेब्रेयेसस पुनः चयन भएका छन् । डब्ल्यूएचओका सदस्यहरुले उनलाई पुनः पाँच वर्षको कार्यकालका लागि महानिर्देशकमा चयन गरेका हुन् ।

मंगलबार विश्व स्वास्थ्य सभाका अध्यक्षले टेड्रोस पुनः महानिर्देशकमा निर्वाचित भएको जानकारी दिएका हुन् ।

इथियोपियाको पूर्व स्वास्थ्यमन्त्रीसमेत रहेका ट्रेड्रोसले कोभिड–१९ को कठिन परिस्थितिमा पनि डब्ल्यूएचओको नेतृत्व गरेका थिए।

पुनः महानिर्देशकमा निर्वाचित भएसँगै टेड्रोसले अब डब्ल्यूएचओले आपतकालीन तयारी र संस्थाको सुधारमा आफ्नो ध्यान केन्द्रित गर्ने बताए ।