काठमाडौँ । विद्यार्थीलाई ‘सेक्स’ प्रस्ताव राख्नेको आरोपमा काठमाडौंको चाबहिलस्थित सेन्ट लरेन्स कलेजका एक शिक्षक पक्राउ परेका छन् । पक्राउ पर्नेमा शिक्षक जनक अधिकारी रहेका छन् ।

३ जना विद्यार्थीले दिएको किटानी जाहेरीका आधारमा कलेजका कोअर्डिनेटर समेतसमेत रहेका सामाजिक शिक्षक अधिकारीलाई पक्राउ गरिएको हो ।

अधिकारीलाई म्याद थपका लागि अदालतसामु उपस्थित गराउने तयारी भएको महानगरीय प्रहरी परिसर काठमाडौंले जनाएकाे छ ।

मंगलबार बिहानदेखि कलेजका विद्यार्थी शिक्षकले यौन दुर्व्यवहार गरेको भन्दै आन्दोलित भएका छन् ।

शिक्षक अधिकारीमाथि केही समययता ११ र १२ कक्षामा पढ्ने छात्रालाई दुर्व्यवहार गरेको आरोप लागेको छ ।

पटक–पटक कलेज व्यवस्थापनलाई यसबारेमा जानकारी दिँदा पनि सुनुवाइ नभएको भन्दै विद्यार्थी आन्दोलित भएका हुन् ।