काठमाडौं । चितवनको भरतपुर महानगरपालिकामा नेकपा माओवादी केन्द्रकी रेनु दाहालले अग्रता कायमै राखेकी छन् ।

ताजा मतपरिणाम अनुसार उनले ५१ हजार ११२ मत प्राप्त गरेकी छन् । नेकपा एमालेका विजय सुवेदीले ३८ हजार ९७२ मतसहित रेनुलाई पछ्याइरहेका छन् ।

उनीहरूबीच १२ हजार १४० मतान्तर छ । स्वतन्त्र उम्मेदवार जगन्नाथ पौडेलले १४ हजार ७०५ मत पाए । यस्तै उपमेयरमा नेपाली कांग्रेसका चित्रसेन अधिकारीले ५१ हजार ९०३ मत पाएका छन् ।

उनका निकटतम प्रतिद्धन्द्धी राप्रपाकी हिमला गुरूङले ३० हजार ३२६ मत ल्याइन् ।