काठमाडौं । बाराको जीतपुरमा घाटी रेटी निर्ममतापुर्वक युवकको हत्या गरेको आरोपमा दुईजना पक्राउ परेका छन् ।

जिल्लाको जितपुर उपमहानगरपालिका २० बसडिलवाका दीपक पासवानको हत्यामा संलग्न रहेको आरोपमा सोही ठाउँका २० वर्षीय शेख नवि आलम र २१ वर्षीय शेख सलिम पक्राउ परेका हुन् ।

जिल्ला प्रहरी कार्यालय बाराका अनुसार जेठ ६ गते दिउँसो गोठ टोलदेखि ५०० मिटर टाढा कठोह खोला छेउमा बालुवामा पुरिएको अवस्थामा पासवानको शव फेला परेको थियो । जेठ ३ गते राति ११ बजेतिर दीपकको घाँटीमा धारिलो हतियार खुर्पाले हानेर हत्या गरेको खुलेको प्रहरीले जनाएको छ ।

हत्या गरिसकेपछि कारबाहीमा पर्ने डरले शव कठोह खोला छेउमा बालुवामा पुरेर उनीहरु गाउँबाट फरार भएका थिए । उनीहरुविरुद्ध जिल्ला अदालतबाट ७ दिन म्याद लिएर कर्तव्य ज्यान मुद्दामा अनुसन्धान अगाडि बढाएको जिल्ला प्रहरी कार्यालय बाराले जनाएको छ ।