काठमाडौं । चितवनको भरतपुर महानगरमा माओवादी केन्द्रकी रेनु दाहालले फराकिलो मतान्तर कायमै राखेकी छन् ।

पछिल्लो मतपरिणाम अनुसार ८९ हजार ४०८ मत गणना हुँदा दाहाल ७ हजार ३ सय ८८ मतले एमालेका उम्मेदवार विजय सुवेदीभन्दा अगाडि छन् ।

दाहालले अहिलेसम्म ३५ हजार ४९ मत पाएकी छन् भने सुवेदीले २७ हजार ६ सय ६१ मत पाए । यस्तै स्वतन्त्र उम्मेदवार जगन्नाथ पौडेलले ११ हजार ८ सय २३ मत ल्याए ।

यस्तै, उपमेयरमा कांग्रेसका चित्रसेन अधिकारी राप्रपाकी हिमला गुरुङभन्दा १५ हजार ३ सय ९० मतले अगाडि छन् । अधिकारीले अहिलेसम्म ३७ हजार २ सय ७३ मत पाउँदा गुरुङले २१ हजार ८ सय ८३ मत ल्याइन् ।