काठमाडौं । धनुषाको मिथिला नगरपालिकाको मेयरमा पूर्वडीएसपी महेन्द्र महतो निर्वाचित भएका छन् ।

नेपाली कांग्रेसको तर्फबाट उम्मेदवारी दिएका महतो ७ हजार ३१ मत ल्याएर विजयी भए । उनका निकटतम प्रतिस्पर्धी एमालेका राजाराम महतोले ६ हजार ९४० मत ल्याए ।

अवकाश भएपछि महतो कांग्रेस पार्टीमा आबद्ध भएर राजनीति सुरु गरेका थिए ।

उपमेयरमा भने एमाले विजयी भएको छ । एमालेकी सुनिता सिंह बुढाथोकी ७ हजार ४१४ मत ल्याएर विजयी भएकी हुन् ।