काठमाडौं । काठमाडौं महानगरपालिकामा मेयर पदका स्वतन्त्र उम्मेदवार बालेन शाहले अग्रता कायमै राखेका छन् ।

अहिलेसम्म ६१ हजार तीन सय १५ मत गणना हुँदा शाहले ११ हजार तीन सय २९ मतको अग्रता कायम राखेका हुन् ।

शाहले २४ हजार तीन सय ३४ मत प्राप्त गरे । यस्तै एमालेबाट मेयरका उम्मेदवार केशव स्थापितले १२ हजार नौ सय ९५ मत ल्याए । गठबन्धनबाट नेपाली कांग्रेसकी सिर्जना सिंहले १२ हजार ९३ मत प्राप्त गरिन् ।

यसैगरी उपमेयरमा भने नेकपा एमालेकी उम्मेदवार सुनिता डंगोलको अग्रता डंगोलको अग्रता कायम छ । उनले २४ हजार १०१ मत ल्याएकी छन् ।