काठमाडौं । चितवनको भरतपुर महानगरपालिकामा गठबन्धनका उम्मेदवार रेनु दाहालले अग्रता बढाउँदै लगेकी छन् ।

पछिल्लो मतपरिणाम अनुसार ४५ हजार ७६२ मत गणना हुँदा उनले मेयरमा ३ हजार २६४ मतको अन्तर बनाएकी हुन् ।

उनले १७ हजार २९० मत प्राप्त गर्दा विजय सुवेदीले १४ हजार २६ मत पाएका छन् । रेनु र विजयको मतान्तर ३ हजार २६४ को छ । स्वतन्त्र उमेदवार जगन्नाथ पौडेलले ७ हजार ४० मत पाएका छन् ।

त्यस्तै उपमेयरमा चित्रसेन अधिकारी १९ हजार ८४८ मत पाएका छन् भने उपमेयरमा राप्रपाकी हिमला गुरुङले ११ हजार २१९ मत पाएकी छन्। अहिले वडा नम्बर १० र ११ को मत गणना भइरहेको छ ।