काठमाडौ । कञ्चनपुरको बेदकोट नगरपालिकामा मेयर र उपमेयरमा नेपाली कांग्रेसका उम्मेदवार विजयी भएका छन् ।

एमालेका उम्मेदवारलाई हराउँदै मेयरमा कांग्रेसका भोजराज बोहरा र उपमेयरमा तुलशी जोशी निर्वाचित भएका हुन् ।

मेयरमा बोहराले ८ हजार ७८ मत प्राप्त गर्दा एमालेकी सुशिला सिंहले ४ हजार ७४० मत ल्याइन् । माओवादी र समाजवादी गठबन्धनका उमेदवार रामचन्द्र रेग्मीले ३ हजार ८९८ पाए ।

उपमेयरमा कांग्रेसकी तुलशी जोशी ७ हजार २५४ मत ल्याएर विजयी भइन् ।