काठमाडौं । जनमत पार्टीका अध्यक्ष डा. सिके राउतको गृहपालिकामा लोसपाले पहिलो जित हासिल गर्दै खाता खोलेको छ ।

अध्यक्ष राउतको गृहपालिका सप्तरीको महादेवा गाउँपालिकामा लोसपाका उम्मेदवार सुनिलकुमार मण्डल विजयी भएका हुन् । मण्डलले ४ हजार ५७० मत प्राप्त गर्दै विजयी हासिल गरेका छन् ।

उनका निकटतम प्रतिस्पर्धी नेपाली कांग्रेसका दीपककुमार यादवले २ हजार २०५ मत प्राप्त गरे । त्यस्तै, जसपाका शिवनन्दन यादवले १ हजार ७४२ मत पाएका छन् । यस्तै जनमतका उम्मेदवार जगनाथ मण्डलले १ हजार ३४१ मत मात्र ल्याएका छन् ।

त्यस्तै, उपाध्यक्षमा पनि लोसपाकै अर्चनाकुमारी यादव ३ हजार ८६७ मत प्राप्त गरी निर्वाचित भएकी छन् । उनका निकटतम प्रतिद्वन्द्वी नेपाली कांग्रेसकी सषु्माकुमारी मण्डलले २ हजार २५३ मत ल्याएकी हुन् ।