काठमाडौं । काठमाडौं महानगरको जारी मतगणनाको परिणामअनुसार स्वतन्त्र उम्मेदवार बालेन शाहले आफ्नो अग्रतालाई बढाउँदै लगेका छन् ।

बालेनले १५ हजार मत ल्याउँदा नेकपा एमालेका केशव स्थापित भने आठ हजार २८८ भोटमा सीमित भएका छन् । त्यसैगरी गठबन्धनको तर्फबाट उम्मेदवार बनेकी नेपाली कांग्रेसकी सृजना सिंहले जम्मा सात हजार २९० मत पाएकी छन् ।

काठमाडौंमा अहिलेसम्म ३९ हजार ५२० भोट गणना भएको छ । काठमाडौंमा एक लाख ९१ हजार मत खसेको छ । काठमाडौंमा वडा नम्बर पाँचको मतगणना सकिएको छ ।