चितवन । चितवनको भरतपुर महानगरपालिकाको मतगणना सुरू भएको छ । केहीबेर अघिबाट महानगरको वडा नम्बर १ बाट गणना सुरू गरिएको हो।

एक लाख ८५ हजार मतदाता रहेको भरतपुर महानगरमा शुक्रबार भएको मतदानमा १ लाख २७ हजारले मतदान गरेका थिए ।

यहाँ गठबन्धन माओवादी केन्द्रकी रेणु दाहाल मेयरको उम्मेदवार छिन् भने एमालेको तर्फबाट विजय सुवेदी उम्मेदवार छन् ।

तर, असन्तुष्ट बनेको नेपाली कांग्रेसले जगन्नाथ पौडेललाई मेयरको उम्मेदवार बनाएको छ । पौडेलले स्वतन्त्र उम्मेदवारी दिएका छन् ।