काठमाडौँ । स्थानीय तहको निर्वाचन अन्तर्गत शुक्रबार विभिन्न १७ वटा स्थानीय तहका ४४ मतदान केन्द्रमा मतदान स्थगित भएको छ ।

राजनीतिक दलहरु बीचको विवाद र वर्षाका कारण  देशभरका १७ स्थानीय तहका २८ मतदान स्थलका ४४ वटा मतदान केन्द्रमा मतदान सम्पन्न हुन नसकेको निर्वाचन आयोगले जनाएको छ ।

मतदानका लागि अर्को मिति भने तोकिएको छैन । आज  ६४ प्रतिशत मतदान सम्पन्न भएको छ ।

शुक्रबार विहान ७ बजेदेखि बेलुकासम्म ६४ प्रतिशत मतदान भएको निर्वाचन आयोगले जनाएको छ ।

एकैपटक निर्वाचन हुँदा सुरक्षा प्रबन्धमा समस्या भएको आयोगको भनाइ छ।