काठमाडौं । बाराको दुईवटा स्थानीय तहमा मतदान रोकिएको छ । पचरौता नगरपालिका २ बैरिया र देवताल गाउँपालिका ७ पिपरपाती मतदान केन्द्रमा मतदान रोकिएको हो ।

दुई समूहबीच झडप भएपछि मतदान रोकिएको प्रमुख जिल्ला अधिकारी कृष्णबहादुर कटुवालले जनाएका छन् ।

देवतालमा नेपाली कांग्रेस र लोकतान्त्रिक समाजवादी पार्टीका कार्यकर्ताबीच झडप भएको हो । त्यहाँ झडपका कारण उत्पन्न विवाद साम्य पार्न प्रहरीले अश्रुग्यास पनि प्रहार गरेको छ ।

यस्तै देवतालको पीपरपातीमा पनि एक पक्षले मतदान केन्द्रमै प्रवेश गरेर भोट मागिरहेपछि अर्को पक्षले विरोध जनाउँदा झडप भएको हो ।

झडपका कारण अहिले ती दुवै केन्द्रमा मतदान रोकिएको छ । सीमावर्ती यी दुवै मतदान केन्द्रमा सुरक्षाको दृष्टिकोणले मतदान केन्द्र संवेदनशील मानिएको छ ।