काठमाडौं । नेकपा एमालेका उपाध्यक्ष सुवासचन्द्र नेम्वाङले आफ्नो पार्टी बलियो बन्दै गएको दाबी गरेका छन् । उनले छोडेर जानेभन्दा आउने धेरै भएकाले पार्टी मजवुद रहेको दाबी गरेका हुन् ।

ताप्लेजुङको सिरिजंगा गाउँपालिका ३ आम्बेगुदिनमा आयोजित सभालाई सम्बोधन गर्दै नेम्वाङले एमालेको जनलहर देखेर आत्तिएकाहरूले गठबन्धन बनाएको तर चुनावपछि आफैँ शिथिल हुने बताए ।

उनले भने,‘हाम्रो जनलहर देखेर आत्तिएकाहरूले गठबन्धन बनाएका छन्,चुनावपछि उनीहरू आफै शिथिल हुन्छन् । पालिका चुनावमा एमाले अब्बल देखिनेछ ।’

राष्ट्रियताको भावना र कार्यशैलीले नागरिकको मन जितेको बताउँदै उनले यही ओजका कारण पालिका चुनावको नतिजामा एमाले अब्बल देखिने बताए ।