एजेन्सी । जर्मन क्लब आरबी लाइप्जिगलाई हराउँदै रेन्जर्स युरोपा लिगको फाइनलमा पुगेको छ ।

आइब्रक्स स्टेडियम ग्लास्गोमा बिहीबार राति भएको खेलमा रेन्जर्सले जर्मन क्लब आरबी लाइप्जिगलाई सेमिफाइनलको दोस्रो लेगमा ३–१ ले हराउँदै फाइनलमा स्थान पक्का गरेको हो ।

रेन्जर्स पहिलो लेगमा १–० ले पराजित भएपनि घरेलु मैदानमा भएको दोस्रो लेगमा समग्रमा ३–२ को जित निकाल्दै फाइनल पुगेको हो।

घरेलु टोलीको जितमा जेम्स टाभेनिएर, ग्लेन कामरा र जोन लन्डस्ट्रोमले गोल गरे। लाइप्जिगका क्रिस्टोफोर एनकुकुले एक गोल फर्काए। अब रेन्जर्स र फ्रान्कफुर्टले उपाधिका लागि स्पेनमा १८ मेको राति प्रतिस्पर्धा गर्नेछ।