काठमाडौं । पर्सामा बिहीबार राति गोली चलेको छ ।

जिल्लाको सखुवाप्रसौनी गाउँपालिका वडा नम्बर १ औराहामा राति करिब साढे ९ बजेतिर २ राउण्ड गोली चलेको हो ।

स्थानीय मंगल बहादुर ब्लोनको घरको धानको भकारीमा गोलीको अगाडिको भागले लागेको देखिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओमप्रकाश खनालले जानकारी दिए ।

घटनास्थलमा गोली जस्तै फलामको टुक्रा बरामद भएको प्रहरी नायब उपरीक्षक खनालले बताए । गोली कसले र किन चलायो भन्ने विषयमा आवश्यक अनुसन्धान भइरहेको प्रहरीले जनाएको छ ।