काठमाडौं । हुम्लामा ४ जना वडाध्यक्ष र ४ जना वडा सदस्य निर्विरोध भएका छन् । जिल्ला निर्वाचन कार्यालय हुम्लाका अनुसार नाम्खा गाउँपालिका–६, खार्पुनाथ गाउँपालिका–४, सिमकोट गाउँपालिका–१ र सिमकोट गाउँपालिका– ४ मा वडाध्यक्षहरु निर्विरोध चयन भएका हुन् ।

निर्वाचन कार्यालयका अनुसार नाम्खा गाउँपालिका–६ का वडाध्यक्षका स्वतन्त्र उम्मेदवार पाल्जोर तामाङ र तीन जना वडा सदस्य छिरिङ डुङडुप तामाङ पुटी तामाङ, टुङडुप लामाको एकल उम्मेदवारी परेपछि निर्विरोध भएका हुन् ।

त्यस्तै गरी खार्पुनाथ गाउँपालिका–४ का वडाध्यक्षमा पनि रंगमती शाहीको एकल उम्मेदवार परेको छ । दलित महिला सदस्यमा दन्तकली सुनार निर्विरोध भएकी छन् ।

सिमकोट गाउँपालिका–१ को वडाध्यक्षमा गोर्ख लामाको एकल उम्मेदवारी परेको हो ।

सिमकोट गाउँपालिका– ४ को वडाध्यक्षमा प्रताप लामाको एकल उम्मेदवारी परेको हुँदा उनी पनि निर्विरोध चयन भएका छन् ।