काठमाडौं । भन्सार जाँचपास परिक्षण कार्यालय तिनकुने काठमाण्डौका तत्कालीन नायव सुब्बा देवी बहादुर थापा विरुद्ध भ्रष्टाचार मुद्धा दायर भएको छ ।

अख्तियार दुरुपयोग अनुशन्धान आयोगले सोमबार थापा विरुद्ध भ्रष्टाचार मुद्धा दायर गरेको हो ।

थापाले गैरकानूनी रुपमा सम्पत्ति आर्जन गरेको भन्ने उजुरीका आधारमा अनुसन्धानगर्दा १ करोड ८७ लाख बराबरको सम्पत्ति गैरकानुनी रुपमा आर्जन गरेको पाइएको थियो ।

आयोगले एक करोड सतासी लाख सतचालीस हजार विगो माग गरि आरोपपत्र दायर गरेको जनाएको छ । साथै प्रचलित भ्रष्टाचार निवारण ऐन, २०५९ को दफा २० को उपदफा (२) बमोजिम बिगो बमोजिमको जरिवाना र कैद सजाय हुन मागदाबी लिइएको छ ।