काठमाडौं । नेपाली कांग्रेसका नेता गुरुराज घिमिरेले सक्रिय राजनीति छोड्ने भएका छन् ।

सामाजिक सञ्जालमार्फत घिमिरेले सक्रिय राजनीतिबाट बिदा लिने संकेत गरेका हुन् । नेपाल विद्यार्थी संघको पूर्वकेन्द्रीय अध्यक्षसमेत रहेका घिमिरेले स्थानीय तह निर्वाचनलगत्तै निर्णय लिने बताए ।

स्थानीय निर्वाचनमा देशभर उम्मेदवार बन्नेहरुलाई उनले जितको शुभकामना समेत दिएका छन् ।

उनले सामाजिक सञ्जालमा लेखेका छन्-‘सक्रिय राजनीतिबाट बिदा लिउँकी भन्ने लागेको छ । स्थानीय चुनावको लगत्तै निर्णय लिन्छु । स्थानीय तहमा देशभरी उम्मेदवार भएका साथिहरुलाई विजयको शुभकामना छ ।’