काठमाडौं । यही वैशाख ३० गते हुने स्थानीय तहको निर्वाचनका लागि निर्वाचन आयोगले आइतबारदेखि उम्मेदवारी दर्ता सुरु गरेको छ ।

निर्वाचन आयोगका अनुसार आइतबार साँझ ८ बजेसम्म देशभर १० हजार ५३३ जनाले उम्मेदवारी दिएका छन् ।

निर्वाचन आयोगका प्रवक्ता शालिग्राम पौडैलका अनुसार पालिका अध्यक्ष र प्रमुखमा ९८७, उपाध्यक्ष र उपप्रमुखमा ५०८ जनाको उम्मेदवारी परेको छ ।

वडाध्यक्षमा २ हजार ९२१, वडा सदस्यमा ३ हजार ३३८, महिला सदस्यमा १ हजार ५७६, दलित महिला सदस्यमा १ हजार २०३ जनाको उम्मेदवारी परेको प्रवक्ता पौडेलले जानकारी दिए ।

आयोगले मनोनयन दर्ताका लागि सोमबार साँझ ५ बजे अन्तिम समय निर्धारण गरेको छ ।