काठमाडौं । विवेकशील साझा पार्टीले ललितपुर जिल्ला संयोजक उज्ज्वलकृष्ण श्रेष्ठलाई ललितपुर महानगरपालिकाको मेयरमा उम्मेदवार बनाउने निर्णय गरेको छ ।

यसबारे औपचारिक जानकारी भने पार्टीले आज दिउँसो २ बजे पाटन दरबार स्क्वायरको भिमसेन मन्दिर परिसरमा पत्रकार सम्मेलन गरे जानकारी दिने विवेकशील साझाले जनाएको छ ।

विवेकशील साझाले ललितपुर महानगरपालिकाको मेयरमा उम्मेदवार बनाउन लागेका श्रेष्ठ २०७४ को प्रतिनिधि सभा निर्वाचनमा ललितपुर क्षेत्र नम्बर ३ बाट चुनाव लडेका थिए ।

विवेकशील साझाले काठमाडौंमा समीक्षा बास्कोटालाई मेयर र कीर्ति तुलाधरलाई उपमेयर उठाउने घोषणा गरिसकेको छ ।