काठमाडौं । हप्तामा दुई दिन बिदा दिनेबारे सरकारले कुनै निर्णय नगरेको सञ्चार तथा सूचना प्रविधिमन्त्री ज्ञानेन्द्रबहादुर कार्कीले स्पष्ट पारेका छन् ।

बिहीबार बसेको मन्त्रिपरिषद् बैठकको निर्णय सार्वजनिक गर्दै मन्त्री कार्कीले त्यसबारे बहस भने भइरहेको तर निर्णय भइनसकेको बताएका हुन्।

इन्धनको प्रयोग घटाउन र मुलुकमा निम्तिएको आर्थिक संकटको सामना गर्न राष्ट्र बैंकले हप्ताको दुई दिन सरकारी कार्यालय बन्द गरेर आर्थिक संकटको सामना गर्न सरकारलाई सुझाएको थियो ।