काठमाडौं । ‘दबंग लाइभ इन नेपाल’ सांगीतिक कार्यक्रमको तयारी बुझ्न बलिउड अभिनेता सलमान खानका भाइ सोहेल खान काठमाडौं आएका छन् ।

नेपाल वायुसेवा निगमको जहाजमा उनी बुधबार मुम्बईबाट काठमाडौं आएका हुन् ।

उनी आगामी जेठ १४ गते दशरथ रंगशालामा हुने दाइ सलमानको ‘दबंग लाइभ इन नेपाल’ सांगीतिक कार्यक्रमको तयारी के कस्तो छ भनेर बुझ्न काठमाडौं आएका हुन्।

आयोजक ओडीसी इन्टरटेन्मेन्ट प्रालिका अनुसार आज दिउँसो १ बजे सोल्टी होटलमा आयोजना गरिने पत्रकार सम्मेलनमा सलमानका भाइ सोहेल सहभागी हुनेछन् र आजै साँझ भारत फर्किने छन्।

जेठ १४ को कार्यक्रमका लागि अभिनेता सलमानसहित भारतीय कलाकार काठमाडौं आउने तयारी छ ।