काठमाडौं । सत्तारुढ पाँच दलीय गठबन्धनले वैशाख ३० गते हुने स्थानीय तह निर्वाचनका लागि सिट बाँडफाँडका ७ आधार तय गरेको छ ।

प्रधानमन्त्री निवास बालुवाटारमा मंगलवार साँझ बसेको गठबन्धन बैठकले सिट बाँडफाँडका लागि ७ आधार तय गरेको संचारमन्त्री समेत रहेका कांग्रेस नेता ज्ञानेन्द्र बहादुर कार्कीले जानकारी दिए ।

प्रधानमन्त्री एवं कांग्रेस सभापति शेरबहादुर देउवाको अध्यक्षतामा बसेको बैठकले चुनावी तालमेल गठबन्धनका दलहरुबीच मात्र गर्ने आधार तय गरेको छ ।

गठबन्धनले गठन गरेको कार्यदलका सदस्य कांग्रेस नेता कार्कीका अनुसार २०७४ स्थानीय तहको निर्वाचनमा दलका उम्मेदवारले पालिका र वडामा पाएको मतको मतभारलाइ आधार मानिने छ ।

यी हुन् आधारहरू :

-महानगर र उपमहानगरपालिका प्रमुख तथा उपप्रमुखको सिट बाँडफाँडको निर्णय पाँच दलीय गठबन्धनको केन्द्रीय संयन्त्रले गर्ने ।

-नगरपालिका र गाउँपालिकाको तालमेलको सिट बाँडफाँट वैशाख ३ गतेभित्र जिल्ला संयन्त्रले प्रदेशलाई र प्रदेश संयन्त्रले वैशाख ५ गतेभित्र केन्द्रलाई पठाउने ।

-सबै पालिकाका वडाध्यक्ष र सदस्यहरूको सिट बाँडफाँटको जिल्ला संयन्त्रले वैशाख ३ गतेभित्र टुंगो लगाउने ।

-प्रदेश तथा जिल्ला संयन्त्रमा प्रत्येक दलको प्रमुखसहित दुई दुई पतिनिधि रहने ।

-प्रत्येक तहको दलीय संयन्त्रमा निर्णय लिन सम्बन्धित पार्टीले आआफ्नो आवश्यकता अनुसार प्रतिनिधि आमन्त्रण गर्न पाउने ।

-सबै तहको बैठकको संयोजन नेपाली कांग्रेसका सम्बन्धित तहका सभापतिले गर्ने ।

गठबन्धनभित्र सिट बाँडफाँटका आधारहरू :

-०७४ को स्थानीय तहको निर्वाचनमा प्रमुख पदमा विजयी नेकपा ९एकीकृत समाजवादी०मा कायम रहेका जनप्रतिनिधिलाई यसैअनुसार मान्ने ।

-०७४ मा गठबन्धनमा आबद्ध दलका उमेदवारले पालिका र वडामा प्राप्त मतको मतभारलाई मान्ने ।

-०७४ स्थानीय निर्वाचनमा विजय प्राप्त नगरेको भए पनि स्थानीय तहमा उपस्थित रहेका दललाई पनि तालमेलमा सहभागी गराउने ।

-०७४ को निर्वाचनमा गठबन्धन बाहेकका दल विजयी स्थानमा प्रमुख पदमा प्राप्त मतलाई आधार बनाउने । अन्य दलका उमेदवारले पाएको मतभारलाई पनि आधार बनाउने ।

-वर्तमान अवस्थामा रहेको संगठनको अवस्था र जनसमर्थनलाई पनि आधार मान्ने ।

-गठबन्धनभित्र मात्र चुनावी तालमेल गर्न पाउने ।