काठमाडौँ – गृहमन्त्री बालकृष्ण खाँणले शान्ति सम्झौताका बाँकी काम पूरा गर्न गठबन्धन आवश्यक रहेको बताएका छन् ।

मंगलबार काठमाडौंमा आयोजित ‘राष्ट्रिय सहरी नीति, सहरी विकास ऐन र युटिलिटी करिडोर ऐन तर्जुमासम्बन्धी परामर्श गोष्ठी’ लाई सम्बोधन गर्दै गृहमन्त्री खाँणले शान्ति सम्झौताका केही काम अझै बाँकी रहेको उल्लेख गर्दै गठबन्धनलाई पनि निरन्तरता दिनुपर्ने  बताए ।

‘गठबन्धनको कल्चरलाई बिर्सने काम नहोस् । पछिल्लो पटक कोएलिसनलाई गिरिजाप्रसाद कोइराला र प्रचण्डले सहमति र सहअस्तित्वका साथ अगाडि लिएर जाने शान्ति सम्झौता गर्नु भएको थियो । त्यो शान्ति सम्झौताका काम पनि पूरा गर्नु छ,’ उनले भने ।

त्यस्तै उनले सबै दललाई निर्वाचनमा भाग लिन आग्रह पनि गरेका छन् ।