काठमाडौं । अन्तर्राष्ट्रिय क्रिकेट परिषद् (आईसीसी) को टी२०आई विश्व वरियतामा नेपालले एक स्थान सुधार गरेको छ ।

आईसीसीले सोमबार सार्वजनिक गरेको यस महिनाको वरियतामा नेपालले एक स्थान सुधार गर्दै १२औं स्थानमा उक्लिएको हो।

नेपाल यसै साता घरेलु मैदान टियुमा मलेसिया र पपुवा न्यू गिनीसँग त्रिकोणात्मक टी२० आई सिरिजमा च्याम्पियन बनेको थियो।

नेपालले पछिल्ला १० टी२० आई खेल मध्ये ९ खेलमा जित हात पारेको छ। त्रिकोणात्मक टी२० आई सिरिजमा नेपालले पाँच खेलमा नै जित हात पारेको थियो।