काठमाडौं । बलात्कार आरोप लागेका कलाकार पल शाह (पूर्णविक्रम शाह) को मुद्दामा जिल्ला अदालत नवलपुरमा थुनछेक बहस सकिएको छ ।

अदालतका अनुसार तीन वकिलले किशोरीको तर्फबाट र ९ जना वकिलले शाहको पक्षबाट बहस गरेको हुन् । बहसमा किशोरीपक्षले शाहलाई १२ देखि १४ वर्षसम्म कैद सजायको मागदाबी गरेको छ ।

केहीबेरमा आदेश आउने अदालत स्रोतले जनाएको छ । उनी तत्काल धरौटीमा वा तारेखमा छुट्ने सम्भावना न्यून रहेको छ ।

यसअघि किशोरी पक्षको जाहेरीका आधारमा जिल्ला अदालत तनहुँले शाहलाई पुर्पक्षका लागि थुनामा पठाएको थियो ।