काठमाडौं । थाइल्याण्डमा काठमाडौंका लागि उड्न तयार भएको नेपाल वायुसेवा निगमको जहाज रन वेमा दौडिरहेका बेला एक्कासी दुवैतर्फका टायर पन्चर भएका छन् ।

राजधानी बैंककबाट शुक्रबार साँझ काठमाडौं आउने तयारी भएको आरए ४०२ उडान नम्बरको जहाज उड्नलाई धावनमार्गमा गुड्ने क्रममा दुईवटा टायर पड्किएको हो ।

सो जहाज ठूलो दुर्घटना हुनबाट जोगिएको छ । जहाजको उड्ने क्रममा भएको उक्त घटनालाई उड्डयन भाषामा रिजेक्टेड टेकअप भनिन्छ ।

जहाजको टायरको मर्मत गरेर शुक्रबार राती नै काठमाडौं आउने निगमले जनाएको छ ।