एजेन्सी । चीनले केही अमेरिकी अधिकारीमाथि भिसामा प्रतिबन्ध लगाउने भएको छ ।

मानव अधिकार उल्लङ्घन गरेको आरोपमा चीनको यस्तो कदम चालेको हो ।

वासिङ्टनले यसै महिना चिनियाँ अधिकारीमाथि लगाएको प्रतिबन्धको जवाफस्वरुप चीनले अमेरिकी अधिकारीमाथि प्रतिवन्ध लगाएको बताइएको छ ।

चिनियाँ विदेश मन्त्रालयका प्रवक्ता वाङ वेनबिनले अमेरिकाले मानव अधिकारको विषयलाई गलत रूपमा व्याख्या गरेको र यो चीनको आन्तरिक मामिला भएको दाबी गरेका छन् ।

‘अमेरिकाले बेइजिङलाई अपजसमा पार्नका लागि गरेको बयानबाजी हो यो,’ उनले भने, ‘यस किसिमको कदम अन्तर्राष्ट्रिय कानुन र अन्तर्राष्ट्रिय सम्बन्धको आधारभूत सिद्धान्तको गम्भीर उल्लङ्घन हो ।’