जुम्ला । जुम्लाको एक विद्यालयका २४० जना विद्यार्थी बिरामी भएका छन् ।

गुठीचौर गाउँपालिका–५ देपालगाउँस्थित हिमाली बोडिङ स्कूलका विद्यार्थी बिरामी परेका हुन् ।

जुस सेवन गरेका विद्यार्थीको पेट दुख्ने, टाउको दुख्न, बान्ता गर्ने समस्या देखिएको हो ।

म्याद नाघेको ट्यांक जुस खाँदा उनीहरू बिरामी भएको प्रिन्सिपल मञ्जिल गिरीले जानकारी दिए ।

उनका अनुसार अभिभावकलाई बोलाएर तत्काल २५ जनाको उपचार गराएको र बाँकी सबै आफैँ ठिक भएका छन् । बिरामी परेका विद्यार्थीको अवस्था समान्य रहेको उनको भनाइ छ ।