सप्तरी । चोरी मुद्दामा अदालतबाट कैद र जरिवाना तोकिएपछि फरार रहेका एक जनालाई सप्तरी प्रहरीले पक्राउ गरेको छ ।

पक्राउ पर्नेमा राजविराज नगरपालिका वडा नम्वर ६ बस्ने १९ बर्षीय राजिन भनिने राजेन्द्र कुमार सिंह रहेको प्रहरीले जनाएको छ ।

मनोज कुमार यादवको जाहेरीले वादी नेपाल सरकार रहेको चोरी मुद्दामा सिंहलाई सप्तरी जिल्ला अदालतको २०७६ माघ ९ गतेको फैसलाले १ महिना १५ दिन कैद र रु.५ हजार नगद जरिवाना तोकिएको थियो ।

कैद र जरिवाना तोकिएका उनलाई र नजिकबाटै लुकिछिपी बसेको अवस्थामा पक्राउ गरी अदालतमा उपस्थित गराउँदा कैद भुक्तानको लागी कारागार चलान गरिएको जिल्ला प्रहरी कार्यालयका डीएसपी माधव प्रसाद काफ्लेले जानकारी दिए ।