काठमाडौं । राष्ट्रपति विद्यादेवी भण्डारी र चीनको राज्यपरिषद्का सदस्य एवम् विदेशमन्त्री वाङ यी बीच शिष्टाचार भेट भएको छ ।

नेपालको तीनदिने भ्रमणमा रहेका विदेशमन्त्री वाङले राष्ट्रपतिको कार्यकक्ष शीतल निवासमा आइतबार विहान शिष्टाचार भेट गरेका हुन् ।

भेटमा उनीहरुबीच आपसी हित र चासोका विषयमा कुराकानी भएको बताइएको छ ।

राष्ट्रपति भण्डारीसँगको भेट लगत्तै चिनियाँ विदेशमन्त्री वाङले नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’सँग छुट्टाछुट्टै भेटवार्ता गर्नेछन् ।

भेटवार्तापछि उनी आजै स्वदेश फर्कने कार्यक्रम रहेको छ ।