बझाङ । बझाङको जयपृथ्वी नगरपालिकाका एकजना वडाअध्यक्षले आफूले ५ वर्षमा पाएको पारिश्रमिक बापतको रकम विद्यालयलाई सहयोग गरेका छन् ।

नगरपालिकाको वडा नम्बर १० का दलबहादुर विष्ट (कृष्ण) ले सत्यवादी माध्यमिक विद्यालयलाई १५ लाख रुपैयाँको चेक हस्तान्तरण गरेका हुन् ।

शुक्रबार एक कार्यक्रमको आयोजना गरि अध्यक्ष विष्टले कृष्ण पुष्पा फाउण्डेशनको नामबाट सत्यवादी माध्यमिक विद्यालयलाई सो सहयोग रकम हस्तान्तरण गरेका हुन् ।

जयपृथ्वी नगरपालिका १० सदरमुकाम चैनपुरका स्थानीयसमेत रहेका विष्ट २०७४ सालको आम निर्वाचनमा नेपाली कांग्रेसबाट वडा अध्यक्षमा विजयी भएका थिए ।