एजेन्सी । चिनियाँ विदेशमन्त्री वाङ यी भारतको राजधानी नयाँ दिल्ली पुगेका छन् ।

विदेशमन्त्री वाङ बिहीबार साँझ नयाँ दिल्ली अवतरण गरेको बताइएको छ ।

भारत भ्रमणका क्रममा चिनियाँ विदेशमन्त्री यीले शुक्रबार दिल्लीमा रुस र भारतका विदेशमन्त्रीहरूसँग भेटवार्ता गर्ने कार्यक्रम छ।

यससँगै भारत र चीनबीचको सीमा विवादलगायत अन्य धेरै विषयमा वार्ता हुने पनि जनाइएको छ।

करिब दुई वर्षअघि लद्दाख क्षेत्रमा सीमा विवाद सुरु भएपछि चिनियाँ नेताको यो पहिलो भारत भ्रमण हो । उनी शुक्रबार नै नेपाल आउने कार्यक्रम छ ।