काठमाडौं । आगामी जेठ १४ गते दशरथ रंगशालामा बलिउड अभिनेता सलमान खानको उपस्थितिमा कार्यक्रम हुने भएको छ ।

बुधबार आयोजित पत्रकार सम्मेलनमा आयोजक ओडीसीले काठमाडौंमा तय भएको कार्यक्रममा ३० हजार दर्शक सहभागी हुने अपेक्षा गरेको छ ।

कार्यक्रमका लागि ४ थरीको टिकट विक्री गर्ने बताइएको छ । जसअनुसार ५ हजार, १० हजार, १५ हजार र २५ हजार दरको टिकट विक्री हुनेछन् ।

टिकट स्वदेश तथा विदेशका दर्शकको सहजताका लागि डिजिटल वालेटमार्फत बिक्री खुला गरिने छ।

कार्यक्रममा सलमान खानसहितका बलिउड कलाकारको प्रस्तुति रहनेछ ।