काठमाडौं । नेपाल आइडल सिजन–४ को विजेता भुपेन्द्र थापा मगर बनेका छन् ।

आज भएको ग्रान्ड फिनालेमा अन्य चार प्रतिस्पर्धीलाई पछि पार्दै भुपेन्द्रले नेपाल आइडल सिजन–४ को उपाधि जितेका हुन् । टाइटलसँगै उनले नगद ३० लाख रुपैयाँ हात पारेका छन् ।

त्यस्तै फस्ट रनरअप झापाका नाम्गेल तामाङ भएका छन् । उनले ५ लाख रुपैँया र ट्रफी पाए भने सेकेन्ड रनरअप रामेछापका रञ्चित नेपाल भएका छन्। उनले ३ लाख रुपैँया र ट्रफी पाए ।

त्यस्तै झापाका विश्वास उप्रेती र मोरङकी लक्ष्मी पौडेल क्रमशः चौथो र पाँचौं भए ।