काठमाडौं । युरेनियम कारोबारको आरोपमा आरोप पक्राउ परेका ललितपुर कांग्रेसका नेता नवराज महत रिहा भएका छन्।

महानगरीय प्रहरी परिसर काठमाडौँ स्रोतका अनुसार प्रहरीले अनुसन्धान सकेर प्रतिवेदन बुझाएकोमा सरकारी वकिल कार्यालयले थप अनुसन्धान गर्नुभन्दै फाइल फिर्ता पठाएपछि नेता महत रिहा भएका हुन्।

प्रहरीले गत गते फागुन ३ गते मंगलबार युरेनियम कारोबार गरेको आशंकामा महतसहित ८ जनालाई हायत होटलबाट पक्राउ गरेको थियो। तर, बरामद भएको पदार्थ युरेनियम प्रमाणित नभएपछि सरकारी वकिलले थप अनुसन्धान गर्न भन्दै फाइल फिर्ता पठाएको स्रोतले अनलाइन नेपाललाई बतायो।

यस्तै, प्रहरीले त्यतिबेला महतसहित सिन्धुपाल्चोक, हेलम्बु गाउँपालिका रामकृष्ण लामिछाने, सिराहाका गोपीलाल दास, जीवछ नारायण यादव, महोत्तरीका सुरेन्द्रप्रसाद चौधरी, भारत बिहार प्रदेश गया जिल्ला चनादहोता घर भएकका उपेन्द्रकुमार मिश्र र भारत घर भएका राजु ठाकुरलाई पक्राउ गरेको थियो।

अर्को पनि पढ्नैपर्ने

युरेनियम कारोबार गरेको आशंकामा हायत होटलबाट पक्राउ परेका ८ जना सार्वजनिक

नेता महत २०७४ को प्रदेश निर्वाचनमा माओवादी नेता राजकाजी महर्जनसँग पराजित भएका थिए। आणविक ऊर्जा तथा हतियार बनाउन प्रयोग हुने ‘युरेनियम’ बिक्री–वितरणमा उनीहरू संलग्न रहेको प्रहरीको दाबी थियो । प्रहरीले नै ग्राहक भएर उनीहरूसँग खरिदको डिल गरेको थियो ।