बुटवल । गृहमन्त्री बालकृष्ण खाँणले नेपाली कांग्रेस सत्ता गठबन्धन कायम राख्न  प्रतिबद्ध रहेको बताएका छन् ।

बिहीबार नेपाली कांग्रेस प्रदेश सभा क्षेत्रीय कार्यसमिति क्षेत्र नं ३ ‘ख’ रुपन्देहीमा आयोजित कार्यकर्ता भेटघाट कार्यक्रममा गृहमन्त्री खाँणले यस्तो बताएका हुन्।

अप्ठ्यारो परिस्थितिमा गठबन्धन बनेको स्मरण गर्दै मन्त्री खाँणले कांग्रेसले गठबन्धनलाई कायमै राखेर अगाडि बढ्न चाहेको बताए ।

यस्तै, अमेरिकी सरकारले नेपाललाई दिएको अनुदान अमेरिकी सहयोग (एमसीसी) जनताको पक्षमा र जनताको हितमा रहेको मन्त्री खाँणको दावी छ । एमसीसले  नेपालमा नदी नालाबाट उत्पादन हुने बिजुली जनताको घरघरसम्म पुर्‍याउन आवश्यक गर्ने ट्रान्समिसन बनाउन सहयोग पुर्याउने खाँणको भनाइ छ।

यसैगरी फरक प्रसंगमा कांग्रेसका प्रभावशाली नेतासमेत रहेका  खाँणले स्थानीय स्तरमा गाउँ र नगरमा विकास हुन कांग्रेसले स्थानीय तहको निर्वाचन जित्नुपर्ने बताए ।