काठमाडौं । बलात्कार आरोपमा प्रहरीको न्यायिक हिरासतमा रहेका नेकपा एमालेका सांसद मोहन बानियाँ पाँच लाख धरौटीमा छुटेका छन् ।

जिल्ला अदालत, बाँकेका न्यायाधीश ईश्वरी भट्टराईको इजलासले सांसद बानियाँलाई ५ लाख धरौटीमा छोड्ने आदेश दिएको हो । पुर्पक्षका लागि थुनामा पठाउनुपर्ने माग सरकारी वकिल माग गरेको थियो । तर, अदालतले उनीसँग धरौटी माग गरेको थियो ।

मुगुका बानियाँ एमालेको समानुपातिकतर्फका सांसद हुन्। प्रतिनिधि सभा सदस्य बानियाँले आफूलाई नेपालगञ्जको होटलमा बलात्कार गरेको दाबी गर्दै जुम्लाकी एक शिक्षिकाले बाँके प्रहरीमा जाहेरी दिएकी थिइन् ।

बानियाँ फागुन १६ गते पक्राउ परेका थिए । बलात्कारको आरोप लागेका एमाले सांसद बानियाँ निलम्बित भइसकेका छन् ।