एजेन्सी । सोमालियामा लामो खडेरीका कारण ६९ लाख भन्दा धेरै मानिस प्रभावित भएका छन् । मानवीय सहयोगका लागि विश्व समुदायसँग सोमालिया सरकारले अपिल गरेको छ ।

प्रधानमन्त्री मोहमद रोब्लेले एउटा विज्ञप्ति निकालेर खडेरीको अवस्था नाजुक हुँदै गएकाले सहयोग छिटो पुर्याउन दाताहरूलाई आग्रह गर्नुभएको समाचारसंस्था सिन्ह्वाले जनाएको छ ।

प्रभावित मध्ये २६ लाख मानिस एक छाक जुटान मुस्किल अवस्थामा रहेको विज्ञप्तिमा उल्लेख छ । खडेरीका कारण ९५ लाख भन्दा धेरै पशुचौपाया प्रभावित भएका छन् ।

बितेको तीन वर्षदेखि सोमालियामा खासै पानी परेको छैन । सोमालियामा सन् २०११ को अनिकालपछि देशमा सबैभन्दा ठूलो खडेरीको सामना गर्नुपरेको प्रधानमन्त्री रोब्लेले बताए ।