नवलपुर । बालगायिकामाथि जबरजस्ती करणी (बलात्कार) गरेको अभियोगमा प्रहरी हिरासतमा रहेका अभिनेता पल शाहलाई फेरि तनहुँको दमौली पठाइएको छ ।

जिल्ला प्रहरीले कार्यालय गैंडाकोटमा उनको बयान लिएपछि मंगलबार दमौली पठाइएको गैंडाकोटका डिएसपी दिलीप गिरीले जानकारी दिए। पीडित गायिकाका आफन्तले सुरूमा दमौली र पछि नवलपुर प्रहरीपनि शाहविरूद्ध जबरजस्ती करणीको जाहेरी दिएका थिए।

गायिकाको उजुरीपछि गत फागुन १५ गते तनुहँ प्रहरीसमक्ष आत्मसमर्पण गरेका शाहलाई केही दिनअघि गैंडाकोट ल्याइएको थियो । जिल्ला अदालत तनहुँले अभियुक्त शाहलाई चैत ४ गतेसम्म हिरासतमा राखेर अनुसन्धान गर्न अनुमति दिएको छ।

यसअघि शाहले गैंडाकोटमा बयान दिँदा आफूले जबरजस्ती करणी नगरेको दावी गरेका थिए।