काठमाडौं । नेकपा एमालेका अध्यक्ष केपी शर्मा ओलीले माधवकुमार नेपालसहित १४ सांसदकाे पद र सभामुख अग्निप्रसाद सापकोटाविरुद्ध दायर गरेको रिटमा पेसी तोकिएको छ।

आइतबार सर्वोच्च अदालतका न्यायाधीश ईश्वरप्रसाद खतिवडा र कुमार चुडालको इजलसामा पेसी तोकिएको हो । यो १२ औं पेसी हो । यसअघि १० पटक स्थगित भइसकेको छ।

गत भदौं १७ गते एमाले अध्यक्ष ओलीले निर्वाचन आयोग र सभामुख अग्नि सापकोटालाई विपक्षी बनाएर सर्वोच्चमा रिट दायर गरेका थिए । तत्कालीन एमाले सांसदका रुपमा नेपालसहित १४ सांसदलाई एमालेले कारबाही गरेको निर्णय सदर हुनुपर्ने, नेकपा एकीकृत समाजवादी पार्टीको वैधानिकता खारेज हुनुपर्ने भन्दै ओलीले सर्वोच्चमा रिट दायर गरेका थिए।

यसअघि उक्त मुद्दामा न्यायाधीशद्वय दीपक कार्की र कुमार चुडालको इजलासले अन्तरिम आदेश जारी गर्न अस्वीकार गर्दै निर्वाचन आयोग र संसद्सँग सक्कल कागज माग्ने र विपक्षीबाट लिखित जवाफ मगाउने आदेश गरेको थियो।

अर्को पनि पढ्नैपर्ने

एमाले अध्यक्ष ओलीले सर्वोच्चमा हालेको मुद्दा हेर्न नभ्याइनेमा