कैलाली । कैलालीका भुपेन्द्र बडुवाल हत्या प्रकरणका थप एकजना पुर्पक्षका लागि कारागार चलान भएका छन् ।

जिल्लाको टीकापुर नगरपालिका वडा नम्बर १ का विकास शेरचनलाई कैलाली जिल्ला अदालतले पुर्पक्षका लागि जिल्ला कारागार पठाएको हो ।

बिहीवार उनलाई मुलुकी फौजदारी कार्यविधि संहिता २०७४ को दफा ६७ बमोजिम मुद्दा पुर्पक्षको लागि कारागारमा हिरासतमा राख्ने आदेश दिएको जिल्ला प्रहरी कार्यालय कैलालीले जनाएको छ ।

लम्की चुहा नगरपालिका बस्ने २३ वर्षीय भुपेन्द्र बडुवालको गत पुस २३ गते टीकापुर नगरपालिका वडा नम्बर १ मा हत्या भएको थियो ।