काठमाडौं । सर्वोच्च अदालतको न्यायाधीशमा तीलप्रसाद श्रेष्ठ नियुक्त भएका छन् ।

कायम मुकायम प्रधानन्यायाधीश दीपककुमार कार्कीको अध्यक्षतामा बसेको न्यायापरिषद् बैठकले श्रेष्ठलाई सर्वोच्च अदालतको न्यायाधीशमा नियुक्त गरेको हो ।

उनी उच्च अदालत विराटनगरमा मुख्य न्यायाधीशको रुपमा कार्यरत थिए । यस्तै परिषद्को बैठकले सर्वोच्च अदालतका मुख्य रजिस्ट्रार लालबहादुर कुँवरलाई उच्च अदालतको न्यायाधीश बनाउने निर्णय समेत गरेको छ ।

यसैगरी न्यायपरिषद बैठकले उच्च अदालत पाटनका मुख्य न्यायाधीश निरौलालाई काज फिर्ता गरेर दिपायल पठाउने निर्णय गरेको छ ।