काठमाडौं । नेकपा एकीकृत समाजवादीको केन्द्रीय कमिटी बैठकमा अध्यक्ष माधव कुमार नेपालले प्रस्तुत गर्ने राजनीतिक प्रतिवेदनमाथि ९ वटा समूहमा छलफल हुने भएको छ।

पार्टीका नेता तथा प्रवक्ता जगन्नाथ खतिवडाका अनुसार ९ वटै समूहहरुले भोलिको बैठकमा रिपोर्ट प्रस्तुत गर्नेछन् । भने आजको बैठकमा अध्यक्षबाट राजनीतिक प्रतिवेदन प्रस्तुत हुन्छ।

यस्तै, सात वटा भूगोल प्रदेश, एउटा उपत्यका विशेष र सम्पर्क प्रदेश, अर्को विभाग र मोर्चाहरु भनेर ९ वटा समूहको विभाजन गरिएको र सबैले आ-आफ्नो समूह नेता छनौट गर्दै रिपोर्ट तयार गर्ने खतिवडाले बताए।

बैठक भोलिसम्म चल्नेछ, यसअघि बैठकको सुरुमै पार्टी अध्यक्ष नेपालले एमसीसीबारे जथाभावी बोले नेताहरुलाई कारवाही गर्ने चेतावनी समेत दिएका थिए।