काठमाडौँ । आजभोली धेरै मानिसहरू आफ्नो शरीरको कम तौलको बारेमा धेरै चिन्तित छन् । धेरै पातलो हुनु पनि तपाईंको स्वास्थ्यको लागि राम्रो भने होइन । यसले तपाईंको प्रतिरक्षा प्रणालीलाई कमजोर बनाउन सक्छ । जसले चाँडै बिरामी पर्न सक्छ । त्यसैले कुनै पनि व्यक्ति फिट रहनु धेरै महत्त्वपूर्ण छ ।

यस्तो अवस्थामा तौल राम्ररी बढाउनका लागि बिहान स्वस्थकर खानेकुरा खानुपर्छ । ब्रेकफास्टमा केही खानेकुराहरू समावेश गरेर सजिलै तौल बढाउन सक्नुहुन्छ ।

प्रोटिन
प्रोटिनले शरीरको बृद्धि मात्र होइन शरीरमा हर्मोनको नियन्त्रित र स्रावलाई पनि बढावा दिन्छ । प्रोटिन तौल बढाउनको लागि धेरै महत्त्वपूर्ण छ । यसका लागि बिहानको खाजामा प्रोटिन शेक, पिनट बटर, नट्स, दही आदि समावेश गर्नुहोस् ।

कार्बोहाइड्रेट र क्यालोरीयुक्त खानेकुरा
तौल बढाउन कार्बोहाइड्रेट र क्यालोरीयुक्त खानेकुरा खानु धेरै महत्त्वपूर्ण छ । यसले गर्दा तपाईंको शरीरको तौल बढ्छ र ऊर्जा पनि मिल्छ । क्यालोरीले शरीर र दिमागको काम गर्ने क्षमता बढाउँछ । यसका लागि केरा, रोटी र केही हरियो सागसब्जीलाई बिहान आफ्नो आहारमा समावेश गर्न सक्नुहुन्छ ।

भिटामिन र खनिजले भरिपूर्ण खानेकुरा
शरीरलाई स्वस्थ राख्न भिटामिन र मिनरल्स पनि निकै महत्त्वपूर्ण हुन्छन् । यसले गर्दा तपाईंको प्रतिरक्षा प्रणालीले राम्रोसँग काम गर्छ र शरीरका कोषिकाहरूको पनि विकास हुन्छ । यसका लागि तपाईंले आफ्नो ब्रेकफास्टमा नन–वेज, डायरी उत्पादन, माछाको तेल र स्प्राउट्स समावेश गर्न सक्नुहुन्छ ।

ड्राईफ्रुट
छिट्टै तौल बढाउनको लागि ड्राईफ्रुट पनि राम्रो विकल्प हो । बिहानको खाजामा ड्राईफ्रुट खानुपर्छ । बदाम, किशमिश, ओखर, खजूर र अन्जीरलाई रातभर भिजाउनुहोस् । बिहान खानुहोस् ।

प्रशस्त पानी पिउनुहोस् र व्यायाम गर्नुहोस्
खाने र पिउनु बाहेक शरीरको विकासका लागि प्रशस्त पानी पिउनु पनि निकै महत्त्वपूर्ण हुन्छ । यसले तपाईंको शरीरको समग्र विकासमा मद्दत गर्छ र शरीरलाई हाइड्रेटेड राख्छ । यसका साथै शरीरको सुडौल विकास होस् भनेर केही व्यायाम पनि गर्नुपर्छ । यसका लागि बिहान बेलुका हिँड्न सकिन्छ।