काठमाडौं । प्रहरीको साइबर ब्यूरोले अभिनेत्री रेखा थापाविरुद्ध गालीगलौज गरेको आरोपमा शर्मिला वाइबालाई पक्राउ गरेको छ।

उनीमाथि अभिनेत्री रेखा थापालाई गालीगलौज गरेको भन्दै गत शुक्रबार साइबर व्युरोमा जाहेरी परेको थियो । थापाको तर्फबाट उनकी दिदी तारा थापाले जाहेरी दर्ता गराएकी थिइन् ।

अभिनेता पल शाहविरुद्ध बलात्कारको जाहेरी दिएकी नाबालिक पीडितको पक्षमा बोलेको भन्दै अभिनेत्री थापालाई वाइबाले गालीगलौज गरिएको उजुरीमा उल्लेख छ ।

वाइबामाथि आवश्यक अनुसन्धान तथा सोधपुछ भइरहेको ब्यूरोका प्रवक्ता एवं एसएपी नबिन्द अर्यालले बताए।